tumhaarii yaad ke jab zaKhm bharane lagate hain:Faiz

tumhaarii yaad ke jab zaKhm bharane lagate hain
kisii bahaane tumhein yaad karane lagate hain

hadiis-e-yaar ke unavaaN nikharane lagate hain
to har hariim mein gesuu saNvarane lagate hain
[hariim - house]


har ajanabii hamein maharam dikhaaii detaa hai
jo ab bhii terii galii galii se guzarane lagate hain
[maharam=acquaintance]

sabaa se karate hain Gurbat-nasiib zikr-e-vatan
to chashm-e-subah mein aaNsuu ubharane lagate hain
[Gurbat-nasiib=those in exile; chashm=eye]


vo jab bhii karate hain is nutq-o-lab kii baKhiyaagarii
fazaa mein aur bhii naGmein bikharane lagate hain
[nutq-o-lab=speech and lips]

dar-e-qafas pe aNdhere kii muhar lagatii hai
to "Faiz" dil mein sitaare utarane lagate hai.n
[dar-e-qafas=door of the prison]

nahiin nigaah mein manzil to justajuu hii sahii

nahii.n nigaah me.n manzil to justajuu hii sahii
nahii.n visaal mayassar to aarazuu hii sahii

na tan mein Khuun faraaham na ashk aaNkhon mein
namaaz-e-shauq to vaajib hai be-vazuu hii sahii

kisii tarah to jame bazm maikade vaalo
nahii.n jo baadaa-o-saaGar to haa-o-huu hii sahii

gar intazaar kaThin hai to jab talak ai dil
kisii ke vaada-e-fardaa kii guftaguu hii sahii

dayaar-e-Gair me.n maharam agar nahii.n koii
to 'Faiz' zikr-e-vatan apane ruu-ba-ruu hii sahii

Aankh Se Aankh Milaata Hai Koi

aa.Nkh se aa.Nkh milaataa hai koii
dil ko kheeNche liye jaataa hai koii

vaa-e-hairat ke bharii mahafil mein
mujh ko tanhaa nazar aataa hai koii

chaahiye Khud pe yaqiin-e-kaamil
hausalaa kis kaa badhaataa hai koii

sab karishmaat-e-tasavvur hai "Shakeel"
varanaa aataa hai na jaataa hai koii